Assalamu’alaikum warrahmatullah
ban sabôh bumoe ie mata lôn rh0e
pujôe keu Rabbi nyang bri cubaan
jarôe dua blah meuah lôn lake
timu ngôn barat seudèh meurasa
Tangse lôn sayang rata ngôn tanoh
diteuka ie glee hana pat peugah
nyankeuh akibat ureung nyang jeuheut
uteun Tuhan bri gadueh meurupah
soe nyan na kuasa leupah that meuheut
uteun nyang sehat hanjeut le piyóh
uroe ngôn malam gadueh dicuca
bek neukarat bak piasan nyang salah
meusabab illegal logging dudoe ceulaka
Tangse nyang makmu leupah that ceudah
jamêun mèuubah nanggroe bèk meutuka
kawom lôn binasa sikeujap mata
but nyang paléh lé ureung sidröe
bungông nyang mawôe sibijèh mata
langét ngôn bumôe beugêt tajaga
ngak musibah raya bêk lé meuriwang
keuheundak Tuhan saree lam nanggroe
nyoekeuh cubaan beujeut keu hikmah
beujiôh bala ureung meuiman
korban di Tangse asôe syuruga
hatee nyang seudeh mita peunawa
syedara di Tangse beurayeuk that saba
doa lôn peujoe ateuh jeumala
beujrôh dum tanyoe lam ridha Potallah
Simpang Surabaya, 13 Maret 2011
*Syedara lon nyang na di Tangse, seumoga sya’ee lon nyoe beujeut keu peunawa hate nyang seudeh.
Ferdian A Majni
Pegiat di Komunitas Menulis Jeuneurob (KMJ).
